I wrote these poems based on Telugu pothana Bhagavatham.
ಅನ್ಯಕತಾನುಲಾಪೊ ಲಿರುಟ್ಪಗಲ್ ಕೇನುನ ಸತ್‌ಕ್ರಿಯಾ
ಸೂನ್ಯೊಲಾಯಿ ಕೆಬಿಕುಲ ಸಜ್ಜನಸ್ತುತ ಮಾತಲೋಕ
ಮಾನ್ಯನಾಯಿ ಬೊಲಿಯುನ ಹರಿ ದಿವ್ಯ ಕತಾಮೃತೊನು ಸಂತೋಸೊಡು
ಧನ್ಯನಾಯಿ ಪರ್ಪುಲ ಮುನಿಪುಂಗವ! ಯಾನ್ ವಿವರವಾಯಿ ಪನ್ಪುವೆ!
ಭಾವ: "ಓಹ್, ಸೂರಿವರೆಣ್ಯೆರೆಗ್(ಸಜ್ಜನೆರೆಗ್) ಆರಾಧ್ಯೆ ಆಯಿನ ನಾರದ, ಕೇನ್ಲ! ದಿನ ರಾತ್ರಿಲು ಬೇತೆ ಕತೆಕ್ಲೆನ್ ಕೇನೊಂದು, ಪುಣ್ಯ ಕಥೆಕ್ಲೆಗ್ ಬೋಡಾಯಿನ ಆಸಕ್ತಿ ಇಜ್ಜಂದಿನ ಕೆಬಿಕ್ಲೆಗ್ ವಿಷ್ಣು ಕಥೆಕುಲು ನಿಜವಾದ್ಲಾ ಸಂತೋಸ ಕೊರ್ಪೊ (ಸಂತೋಷ ಕೊರ್ಪೊಲೆ). ಮಾತ ಲೋಕಕ್ಲೆಡ್ ಪೂಜೆ ಆಯಿನ, ಬೊಲ್ಪಾಯಿನ (ಬೆಳಕಾಯಿನ) ಆ ದೇವದೇವೆರೆನ ಕಥಾಮೃತೊನು ಯಾನ್ ಪನ್ಪೆ. ಆಸಕ್ತಿಡ್ (ಆಸಕ್ತಿನ್ ದೀದ್) ಆಸ್ವಾದಿಪುಲ!"
ಪಂದ್ ಪಣೊಂದು ನಾರದೆನ್ ತೂದು ನನ ಇಂಚ ಪಂಡೆರ್.
ಕನಕಾಕ್ಷೆ ಪುಗೆಲ್ ಬಲ ವಿಜ್ರುಂಭನೊಡ್ದ್ ಬೂಚ
ಕ್ರೊನು ಪಜೆ ಮುಡಿಪಿಲೆಕ ಪತೊಂದ್ ಯಜ್ಞಮಯದಂಸ್ಟ್ರಿ ಸತ್‌ಕೃತಿ ಪತೊಂದ್ ಆ
ದಾನವೇಶ್ವರೊನ್ ಎದ್ಕೊಂದ್ ಅಂಬು
ದಿ ನಡುಟ್ ತಾದಂಸ್ಟ್ರೊಲೆಡ್ದ್ ಕೆರ್ತ್
ಘನ ಧರಿತ್ರಿಡ್ ಬೂರೆ ವ‌ಜ್ರಾಯುದಹತಿಡ್ದ್ ಬೂರ್ಮಲ್ಲಾದ್ರಿ ಲೆಕ್ಕ ಅತ್ಯುಗ್ರೊಡ್
ಭಾವ: "ದುಂಬು ಹಿರಣ್ಯಾಕ್ಷೆ ಪನ್ಪಿ ಒರಿ ರಕ್ಕಸೆ ಇತ್ತೆ. ಆಯೆ ಜಿಂಜ ಬಲೊಡ್ದು ಭೂಚಕ್ರೊನು ಪಾಯಿ ಲೆಕ್ಕ ಕೊಂಡೊಯಿದ್ ಮಹಾಸಾಗರೊಡು ಬಚ್ಚಾಯೆ (ಮರೆಗ್ ದೀಯೆ). ಅಪಗ ಶ್ರೀಮನ್ನಾರಾಯಣೆರ್ (ಶ್ರೀಮನ್ನಾರಾಯಣ) ಯಜ್ಞವರಾಹ ಅವತಾರೊನು ಸ್ವೀಕಾರ ಮಲ್ತ್‌ದ್, ಆ ದಾನವರಾಯೆನೊಟ್ಟುಗು ಮಲ್ಲ ಯುದ್ಧ ಮಲ್ತೆರ್. ಅಪಾರವಾಯಿನ ಕೋರಲೆಡ್ದ್ ಆಯನ್ ತಿಗಲೆಗ್ ಕುತ್ತಿದ್ ಪತ್ತಿಯೆರ್. ಅಪಗ ವಜ್ರಾಯುಧೊಡ್ದು ಗುದ್ದುದು (ಗುದ್ದಿಯೆರ್), ನೆಲತ ಮಿತ್ತ್ ಪತ್ತುನ ಮಲ್ಲ ಪರ್ವತದ ಲೆಕ್ಕ ಆಯೆ ಅತಿ ಭೀಕರಾಕಾರೊಡು ತಿರ್ತ್ ಪತ್ತಿಯೆ. ಉಂದು ಯಾಜ್ಞವರಾಹೆರೆನ ಕಥೆ.”
ಬೊಕ್ಕ ಸುಯಜ್ಞಾವತಾರೊನ್ ಕೇಣ್ಲ ಪಂದಿಂಚ ಪಂಡೆರ್
ಪುದರ್ ಪೊಯಿ ರುಚಿ ಪ್ರಜಾಪತಿಕ್ ಸ್ವಾಯಂಬು ಮಗಳಾಕೂತಿಣ್ಪಿ ಲತಾಂಗಿಗ್ ಈಶ್ವ
ರೊ ದಯೊಡ್ ಪುಟ್ಟ್ ದೆ ಸುಯಜ್ಞೆ ಬುಕ್ಕೊ ದಕ್ಷಿಣಣ್ಪಿ ಬುಡೆತಿಡ್ ಸುಯಮೆರೆ
ಣ್ಪಿ ದೇವತೆರ್ನ ಪುಟ್ಟಾವೊಂದಿಂದ್ರೆನಾಯಿ ನೆಲೆಸಿದು
ಪೇಂದ್ರೆರೆನ್ ಪಾಲಿತಾಖಿಲ ಲೋಕೊಲೆನ ಆರ್ತಿ ಹರಿತ್ ನಾಯೆನ ಮಾತಾಮಹೆ ಮನುವು
ತಾಉಡಲ್ಡ್ ಆ ಚರಿತೆ ಓದಿತ್, ಪರಮ ಪುಣ್ಯೆರ್ ಹರಿಂದ್ ಪಂಡೆರಂಚೆಯನನ್ಯ
ಜ್ಞಾನನಿಧಿಯಾಯಿ ಸುಯಜ್ಞೆ ಹರಿ ಅವತಾರೊನೆ ತಾಪಸೋತ್ತಮ!
ಭಾವ: "ದುಂಬು ರುಚಿ ಪನ್ಪಿ ಒರಿ ಪ್ರಜಾಪತಿಗ್, ಸ್ವಾಯಂಭುವ ಮನುನ ಮಗಲಾಯಿನ ಆಕೂತಿ ಪನ್ಪಿ ಸುಗುಣವತಿಗ್ 'ಸುಯಜ್ಞೆ' ಪನ್ಪಿ ಮಗೆ ಪುಟ್ಟಿಯೆ. ಆಯೆಗ್ ದಕ್ಷಿಣ ಪನ್ಪಿ ಪೊಣ್ಣಡ್ದ್ ಮದಿಮೆ ಆಯೆ. ಅಕುಲೆಗ್ ಸುಯಮೆರ್ ಪನ್ಪಿ ದೇವತೆಲು ಪುಟ್ಟಿಯೆರ್. ಆಯೆ ಇಂದ್ರೆನಾಯಿತ್ ದೇವತೆಲೆಗ್ ನಾಯಕೆರಾಯೆ. ವಿಷ್ಣುಲೆಕ್ಕ ಸಮಸ್ತ ಲೋಕೊಲೆನ ದುಃಖೊಲೆನ್ ಕಳೆಪೆ. ಇಂಚ ಪುಟ್ಟಿನಾಯೆ ಸಾಕ್ಷಾತ್ ಶ್ರೀ ಹರಿಯೇ. ತಾಪಸೋತ್ತಮ!”
"ಬ್ರಹ್ಮ ದೇವೆರ್ ಬೊಕ್ಕ ಷಟ್ದರ್ಶನೊಲೆಡ್ ಒಂಜಾಯಿನ ಸಾಂಖ್ಯಯೋಗೊನು ಬೋಧಿಸಾಯಿನ ಕಪಿಲಾವತಾರೊನು ಇಂಚ ಪಂಡೆರ್:”
ಧೃತಿಮತಿ ದೇವಹೂತಿಗ್ ದಿವ್ಯವಿಭೊ ಕರ್ದಮ ಪ್ರಜಾ
ಪತಿಗ್ ಮೋದ ಜಿಂಜಾದ್ ಒರ್ಂಬೊಪಲ್ದಿಲೆಡ್ದ್ ಕಪಿಲಾಖ್ಯೊ ಪುಟ್ಟ್ ದೇ
ಗತಿ ಹರಿ ತಿಕ್ಕುನಂಚ ಎಡ್ಡೆತಾನ ಸಾಂಖ್ಯೊನು ಅಪ್ಪೆಗ್ ಕೊರ್ದು ದು
ಸ್ಕೃ ತೊಲು ತೊಲಗಿಪುನ ಮುನಿ ಸೇವಿತೆಯಾದ್ ಬೊಲಿಯುನ ಮೋಕ್ಷೊಗ್
ಭಾವ: "ದೇವಹೂತಿ ಪನ್ಪಿನಾಲ್ಗ್ ದಿವ್ಯ ತೇಜಸ್ವಿ ಆಯಿನ ಕರ್ದಮೆ ಪನ್ಪಿನಾರ್ ಕಂಡನಿ. ಆ ದಂಪತಿಲೆಗ್ ಒರ್ಂಬ ಪೊಣ್ಣು ಜೋಕುಲು ಬೊಕ್ಕ 'ಕಪಿಲೆ' ಪನ್ಪಿ ಮಗೆನಾದ್ ಶ್ರೀ ಹರಿ ಆವಿರ್ಭವಿಸೆರ್ (ಅವತರಿಸಿಯೆರ್). ಓವ್ವೆ ಯೋಗೊಡು ನಾರಾಯಣೆರೆನ್ ಹೊಂದುವಗ್ ಸಾಧ್ಯ ಆಪುಂಡು ಆ ಮನೋಜ್ಞವಾಯಿನ ಸಾಂಖ್ಯಯೋಗೊನು ಆ ಮಹನೀಯೆರ್ ಅಪ್ಪೆಗ್ ಬೋಧನೆ ಮಲ್ತೆರ್. ಅಂಚ ಆಲೆನ ಪಾಪೊಲು ಮಾತ ತೊಲಗಿದ್, ಮುನಿ ಜನಕ್ಲೆಗ್ ಬರ್ಪುನ ಮೋಕ್ಷೊನು ಕೊರ್ತೆರ್.”
ಬುಕ್ಕೊ ದತ್ತಾತ್ರೇಯಾವತಾರೊ ಕೇಣ್ಲ
ತಪಶೋತ್ತಮೆರತ್ರಿ ಮಗೆಗಾದ್ ಕಮಲೇಸು ಬೇಡಿದ ಹರಿ ಯನ್ ನಿಕ್ಕ್
ತಪೋತ್ತಮ! “ದತ್ತೊನಾತೆ“ಂದ್ ಪಂತಿನೆಡ್ದ್ ಆಯೆ ದತ್ತಾತ್ರೇಯೆರಾದ್ ಜನಿಸಿದೆ
ಅಪ್ಪರಮಾತ್ಮೆನ ಚರಣಾಬ್ಜ ಧೂಳಿ ಸಮೂಹೊಡ್ದ್ ಶುದ್ಧದೇಹೆರಾವೊಂದು ಫಲ
ರೂಪೊವಾನ ಯೋಗಬಲೊ ಹೊಂದೆ ಐಹಿಕ ಪರಲೋಕ ಮೋಕ್ಷೊ ಹೈಹಯ ಯದುವಂಶೆರ್
ಅರ್ಜಿತ ಜ್ಞಾನಫಲ ಸುಖೈಶ್ವರ್ಯೊ ಸಗ್ತಿ, ಶೌರ್ಯೊಲೆನ್ ಹೊಂದಿತ್ ಅಕುಳೆನ ಕೀರ್ತಿ ಬೋಲ್ಪು
ನಗಿಡೆಯಡೆ ಪುದರ್ ಪಡೆಯೆರಂಚ ದಿವ್ಯತರ ಮೂರ್ತಿ ವಿಷ್ಣುನ್ ಸುಗಿಪೊನಾಪುಂಡೆ!
ಭಾವ: "ಅತ್ರಿ ಮಹರ್ಷಿ ಒರಿ ಮಹಾತಪಸ್ವಿ. ಆರ್ ಅರೆಗ್ ಒರಿ ಮಗೆ ಬೋಡೆಂದು ಶ್ರೀ ಲಕ್ಷ್ಮಿ ನಾರಾಯಣೆರೆಗ್ ಕೇಂಡೆರ್. ಅಪಗ ಶ್ರೀ ಹರಿ: "ಹೇ ಪಾಪರಹಿತೆ ಆಯಿನ ಮುನಿಂದ್ರ! ಯಾನ್ ನಿಕುಲೆಗ್ ದತ್ತಾತ್ರೇಯೆ ಪನ್ಪಿ ಪುದರ್‌ಡ್ ಮಗೆನಾದ್ ಅವತರಿಪುವೆಂದ್" ಪಂಡೆರ್.
ಆ ಮಹಾತ್ಮೆರೆನ ಪಾದಾನುಗ್ರಹೊಡು ಹೈಹಯವಂಶದ ಜನಕುಲು ಬೊಕ್ಕ ಯದುವಂಶದ ಜನಕುಲು ಪರಮ ಪವಿತ್ರೆರಾಯೆರ್. ಆರೆನ ಅನುಗ್ರಹೊಡ್ದು ಅಕುಲು ಇಹ-ಪರ ಲೋಕೊಲೆನ್ ಕೊರ್ಪಿನ ಯೋಗಬಲೊನು ಹೊಂದುವೆರ್.
ಅಕುಲು ಜ್ಞಾನ ಫಲೊನು, ಸುಖೊನು, ಐಶ್ವರ್ಯೊನು, ಶಕ್ತಿನ್, ಶೌರ್ಯೊನು ಪಡೆತೆರ್. ಅಕುಲೆನ ಕೀರ್ತಿ ಆಕಾಶೊಡು ಬೊಲ್ಪಾದ್ ಬೊಲಿಯೊಂದಿಪ್ಪುನಗ, ರಡ್ಡ್ ಲೋಕೊಲೆಡ್ ಪ್ರಸಿದ್ಧಿ ಪಡೆತೆರ್.
ಅಂಚಿನ ಮಹನೀಯೆರ್ ಆಯಿನ ಶ್ರೀ ಮಹಾವಿಷ್ಣು ದೇವೆರೆನ್ ಪುಗರ್ಪುನಿ ಸಾಧ್ಯವಾ!”
ಅನ್ಯಕತಾನುಲಾಪೊ ಲಿರುಟ್ಪಗಲ್ ಕೇನುನ ಸತ್‌ಕ್ರಿಯಾ
ಸೂನ್ಯೊಲಾಯಿ ಕೆಬಿಕುಲ ಸಜ್ಜನಸ್ತುತ ಮಾತಲೋಕ
ಮಾನ್ಯನಾಯಿ ಬೊಲಿಯುನ ಹರಿ ದಿವ್ಯ ಕತಾಮೃತೊನು ಸಂತೋಸೊಡು
ಧನ್ಯನಾಯಿ ಪರ್ಪುಲ ಮುನಿಪುಂಗವ! ಯಾನ್ ವಿವರವಾಯಿ ಪನ್ಪುವೆ!
ಭಾವ: "ಓಹ್, ಸೂರಿವರೆಣ್ಯೆರೆಗ್(ಸಜ್ಜನೆರೆಗ್) ಆರಾಧ್ಯೆ ಆಯಿನ ನಾರದ, ಕೇನ್ಲ! ದಿನ ರಾತ್ರಿಲು ಬೇತೆ ಕತೆಕ್ಲೆನ್ ಕೇನೊಂದು, ಪುಣ್ಯ ಕಥೆಕ್ಲೆಗ್ ಬೋಡಾಯಿನ ಆಸಕ್ತಿ ಇಜ್ಜಂದಿನ ಕೆಬಿಕ್ಲೆಗ್ ವಿಷ್ಣು ಕಥೆಕುಲು ನಿಜವಾದ್ಲಾ ಸಂತೋಸ ಕೊರ್ಪೊ (ಸಂತೋಷ ಕೊರ್ಪೊಲೆ). ಮಾತ ಲೋಕಕ್ಲೆಡ್ ಪೂಜೆ ಆಯಿನ, ಬೊಲ್ಪಾಯಿನ (ಬೆಳಕಾಯಿನ) ಆ ದೇವದೇವೆರೆನ ಕಥಾಮೃತೊನು ಯಾನ್ ಪನ್ಪೆ. ಆಸಕ್ತಿಡ್ (ಆಸಕ್ತಿನ್ ದೀದ್) ಆಸ್ವಾದಿಪುಲ!"
ಪಂದ್ ಪಣೊಂದು ನಾರದೆನ್ ತೂದು ನನ ಇಂಚ ಪಂಡೆರ್.
ಕನಕಾಕ್ಷೆ ಪುಗೆಲ್ ಬಲ ವಿಜ್ರುಂಭನೊಡ್ದ್ ಬೂಚ
ಕ್ರೊನು ಪಜೆ ಮುಡಿಪಿಲೆಕ ಪತೊಂದ್ ಯಜ್ಞಮಯದಂಸ್ಟ್ರಿ ಸತ್‌ಕೃತಿ ಪತೊಂದ್ ಆ
ದಾನವೇಶ್ವರೊನ್ ಎದ್ಕೊಂದ್ ಅಂಬು
ದಿ ನಡುಟ್ ತಾದಂಸ್ಟ್ರೊಲೆಡ್ದ್ ಕೆರ್ತ್
ಘನ ಧರಿತ್ರಿಡ್ ಬೂರೆ ವ‌ಜ್ರಾಯುದಹತಿಡ್ದ್ ಬೂರ್ಮಲ್ಲಾದ್ರಿ ಲೆಕ್ಕ ಅತ್ಯುಗ್ರೊಡ್
ಭಾವ: "ದುಂಬು ಹಿರಣ್ಯಾಕ್ಷೆ ಪನ್ಪಿ ಒರಿ ರಕ್ಕಸೆ ಇತ್ತೆ. ಆಯೆ ಜಿಂಜ ಬಲೊಡ್ದು ಭೂಚಕ್ರೊನು ಪಾಯಿ ಲೆಕ್ಕ ಕೊಂಡೊಯಿದ್ ಮಹಾಸಾಗರೊಡು ಬಚ್ಚಾಯೆ (ಮರೆಗ್ ದೀಯೆ). ಅಪಗ ಶ್ರೀಮನ್ನಾರಾಯಣೆರ್ (ಶ್ರೀಮನ್ನಾರಾಯಣ) ಯಜ್ಞವರಾಹ ಅವತಾರೊನು ಸ್ವೀಕಾರ ಮಲ್ತ್‌ದ್, ಆ ದಾನವರಾಯೆನೊಟ್ಟುಗು ಮಲ್ಲ ಯುದ್ಧ ಮಲ್ತೆರ್. ಅಪಾರವಾಯಿನ ಕೋರಲೆಡ್ದ್ ಆಯನ್ ತಿಗಲೆಗ್ ಕುತ್ತಿದ್ ಪತ್ತಿಯೆರ್. ಅಪಗ ವಜ್ರಾಯುಧೊಡ್ದು ಗುದ್ದುದು (ಗುದ್ದಿಯೆರ್), ನೆಲತ ಮಿತ್ತ್ ಪತ್ತುನ ಮಲ್ಲ ಪರ್ವತದ ಲೆಕ್ಕ ಆಯೆ ಅತಿ ಭೀಕರಾಕಾರೊಡು ತಿರ್ತ್ ಪತ್ತಿಯೆ. ಉಂದು ಯಾಜ್ಞವರಾಹೆರೆನ ಕಥೆ.”
ಬೊಕ್ಕ ಸುಯಜ್ಞಾವತಾರೊನ್ ಕೇಣ್ಲ ಪಂದಿಂಚ ಪಂಡೆರ್
ಪುದರ್ ಪೊಯಿ ರುಚಿ ಪ್ರಜಾಪತಿಕ್ ಸ್ವಾಯಂಬು ಮಗಳಾಕೂತಿಣ್ಪಿ ಲತಾಂಗಿಗ್ ಈಶ್ವ
ರೊ ದಯೊಡ್ ಪುಟ್ಟ್ ದೆ ಸುಯಜ್ಞೆ ಬುಕ್ಕೊ ದಕ್ಷಿಣಣ್ಪಿ ಬುಡೆತಿಡ್ ಸುಯಮೆರೆ
ಣ್ಪಿ ದೇವತೆರ್ನ ಪುಟ್ಟಾವೊಂದಿಂದ್ರೆನಾಯಿ ನೆಲೆಸಿದು
ಪೇಂದ್ರೆರೆನ್ ಪಾಲಿತಾಖಿಲ ಲೋಕೊಲೆನ ಆರ್ತಿ ಹರಿತ್ ನಾಯೆನ ಮಾತಾಮಹೆ ಮನುವು
ತಾಉಡಲ್ಡ್ ಆ ಚರಿತೆ ಓದಿತ್, ಪರಮ ಪುಣ್ಯೆರ್ ಹರಿಂದ್ ಪಂಡೆರಂಚೆಯನನ್ಯ
ಜ್ಞಾನನಿಧಿಯಾಯಿ ಸುಯಜ್ಞೆ ಹರಿ ಅವತಾರೊನೆ ತಾಪಸೋತ್ತಮ!
ಭಾವ: "ದುಂಬು ರುಚಿ ಪನ್ಪಿ ಒರಿ ಪ್ರಜಾಪತಿಗ್, ಸ್ವಾಯಂಭುವ ಮನುನ ಮಗಲಾಯಿನ ಆಕೂತಿ ಪನ್ಪಿ ಸುಗುಣವತಿಗ್ 'ಸುಯಜ್ಞೆ' ಪನ್ಪಿ ಮಗೆ ಪುಟ್ಟಿಯೆ. ಆಯೆಗ್ ದಕ್ಷಿಣ ಪನ್ಪಿ ಪೊಣ್ಣಡ್ದ್ ಮದಿಮೆ ಆಯೆ. ಅಕುಲೆಗ್ ಸುಯಮೆರ್ ಪನ್ಪಿ ದೇವತೆಲು ಪುಟ್ಟಿಯೆರ್. ಆಯೆ ಇಂದ್ರೆನಾಯಿತ್ ದೇವತೆಲೆಗ್ ನಾಯಕೆರಾಯೆ. ವಿಷ್ಣುಲೆಕ್ಕ ಸಮಸ್ತ ಲೋಕೊಲೆನ ದುಃಖೊಲೆನ್ ಕಳೆಪೆ. ಇಂಚ ಪುಟ್ಟಿನಾಯೆ ಸಾಕ್ಷಾತ್ ಶ್ರೀ ಹರಿಯೇ. ತಾಪಸೋತ್ತಮ!”
"ಬ್ರಹ್ಮ ದೇವೆರ್ ಬೊಕ್ಕ ಷಟ್ದರ್ಶನೊಲೆಡ್ ಒಂಜಾಯಿನ ಸಾಂಖ್ಯಯೋಗೊನು ಬೋಧಿಸಾಯಿನ ಕಪಿಲಾವತಾರೊನು ಇಂಚ ಪಂಡೆರ್:”
ಧೃತಿಮತಿ ದೇವಹೂತಿಗ್ ದಿವ್ಯವಿಭೊ ಕರ್ದಮ ಪ್ರಜಾ
ಪತಿಗ್ ಮೋದ ಜಿಂಜಾದ್ ಒರ್ಂಬೊಪಲ್ದಿಲೆಡ್ದ್ ಕಪಿಲಾಖ್ಯೊ ಪುಟ್ಟ್ ದೇ
ಗತಿ ಹರಿ ತಿಕ್ಕುನಂಚ ಎಡ್ಡೆತಾನ ಸಾಂಖ್ಯೊನು ಅಪ್ಪೆಗ್ ಕೊರ್ದು ದು
ಸ್ಕೃ ತೊಲು ತೊಲಗಿಪುನ ಮುನಿ ಸೇವಿತೆಯಾದ್ ಬೊಲಿಯುನ ಮೋಕ್ಷೊಗ್
ಭಾವ: "ದೇವಹೂತಿ ಪನ್ಪಿನಾಲ್ಗ್ ದಿವ್ಯ ತೇಜಸ್ವಿ ಆಯಿನ ಕರ್ದಮೆ ಪನ್ಪಿನಾರ್ ಕಂಡನಿ. ಆ ದಂಪತಿಲೆಗ್ ಒರ್ಂಬ ಪೊಣ್ಣು ಜೋಕುಲು ಬೊಕ್ಕ 'ಕಪಿಲೆ' ಪನ್ಪಿ ಮಗೆನಾದ್ ಶ್ರೀ ಹರಿ ಆವಿರ್ಭವಿಸೆರ್ (ಅವತರಿಸಿಯೆರ್). ಓವ್ವೆ ಯೋಗೊಡು ನಾರಾಯಣೆರೆನ್ ಹೊಂದುವಗ್ ಸಾಧ್ಯ ಆಪುಂಡು ಆ ಮನೋಜ್ಞವಾಯಿನ ಸಾಂಖ್ಯಯೋಗೊನು ಆ ಮಹನೀಯೆರ್ ಅಪ್ಪೆಗ್ ಬೋಧನೆ ಮಲ್ತೆರ್. ಅಂಚ ಆಲೆನ ಪಾಪೊಲು ಮಾತ ತೊಲಗಿದ್, ಮುನಿ ಜನಕ್ಲೆಗ್ ಬರ್ಪುನ ಮೋಕ್ಷೊನು ಕೊರ್ತೆರ್.”
ಬುಕ್ಕೊ ದತ್ತಾತ್ರೇಯಾವತಾರೊ ಕೇಣ್ಲ
ತಪಶೋತ್ತಮೆರತ್ರಿ ಮಗೆಗಾದ್ ಕಮಲೇಸು ಬೇಡಿದ ಹರಿ ಯನ್ ನಿಕ್ಕ್
ತಪೋತ್ತಮ! “ದತ್ತೊನಾತೆ“ಂದ್ ಪಂತಿನೆಡ್ದ್ ಆಯೆ ದತ್ತಾತ್ರೇಯೆರಾದ್ ಜನಿಸಿದೆ
ಅಪ್ಪರಮಾತ್ಮೆನ ಚರಣಾಬ್ಜ ಧೂಳಿ ಸಮೂಹೊಡ್ದ್ ಶುದ್ಧದೇಹೆರಾವೊಂದು ಫಲ
ರೂಪೊವಾನ ಯೋಗಬಲೊ ಹೊಂದೆ ಐಹಿಕ ಪರಲೋಕ ಮೋಕ್ಷೊ ಹೈಹಯ ಯದುವಂಶೆರ್
ಅರ್ಜಿತ ಜ್ಞಾನಫಲ ಸುಖೈಶ್ವರ್ಯೊ ಸಗ್ತಿ, ಶೌರ್ಯೊಲೆನ್ ಹೊಂದಿತ್ ಅಕುಳೆನ ಕೀರ್ತಿ ಬೋಲ್ಪು
ನಗಿಡೆಯಡೆ ಪುದರ್ ಪಡೆಯೆರಂಚ ದಿವ್ಯತರ ಮೂರ್ತಿ ವಿಷ್ಣುನ್ ಸುಗಿಪೊನಾಪುಂಡೆ!
ಭಾವ: "ಅತ್ರಿ ಮಹರ್ಷಿ ಒರಿ ಮಹಾತಪಸ್ವಿ. ಆರ್ ಅರೆಗ್ ಒರಿ ಮಗೆ ಬೋಡೆಂದು ಶ್ರೀ ಲಕ್ಷ್ಮಿ ನಾರಾಯಣೆರೆಗ್ ಕೇಂಡೆರ್. ಅಪಗ ಶ್ರೀ ಹರಿ: "ಹೇ ಪಾಪರಹಿತೆ ಆಯಿನ ಮುನಿಂದ್ರ! ಯಾನ್ ನಿಕುಲೆಗ್ ದತ್ತಾತ್ರೇಯೆ ಪನ್ಪಿ ಪುದರ್‌ಡ್ ಮಗೆನಾದ್ ಅವತರಿಪುವೆಂದ್" ಪಂಡೆರ್.
ಆ ಮಹಾತ್ಮೆರೆನ ಪಾದಾನುಗ್ರಹೊಡು ಹೈಹಯವಂಶದ ಜನಕುಲು ಬೊಕ್ಕ ಯದುವಂಶದ ಜನಕುಲು ಪರಮ ಪವಿತ್ರೆರಾಯೆರ್. ಆರೆನ ಅನುಗ್ರಹೊಡ್ದು ಅಕುಲು ಇಹ-ಪರ ಲೋಕೊಲೆನ್ ಕೊರ್ಪಿನ ಯೋಗಬಲೊನು ಹೊಂದುವೆರ್.
ಅಕುಲು ಜ್ಞಾನ ಫಲೊನು, ಸುಖೊನು, ಐಶ್ವರ್ಯೊನು, ಶಕ್ತಿನ್, ಶೌರ್ಯೊನು ಪಡೆತೆರ್. ಅಕುಲೆನ ಕೀರ್ತಿ ಆಕಾಶೊಡು ಬೊಲ್ಪಾದ್ ಬೊಲಿಯೊಂದಿಪ್ಪುನಗ, ರಡ್ಡ್ ಲೋಕೊಲೆಡ್ ಪ್ರಸಿದ್ಧಿ ಪಡೆತೆರ್.
ಅಂಚಿನ ಮಹನೀಯೆರ್ ಆಯಿನ ಶ್ರೀ ಮಹಾವಿಷ್ಣು ದೇವೆರೆನ್ ಪುಗರ್ಪುನಿ ಸಾಧ್ಯವಾ!”
