ಕಾವ್ಯ, ಶ್ರಾವ್ಯ ಇರುವೆರ್ಲ ಎಲ್ಯ ಉಪ್ಪುನಗನೇ ಅಪ್ಪೆ,ಅಮ್ಮನ್ ಕಳೆವೊಂದೆರ್. ಅಜ್ಜಿ , ಮಾಮ, ಮಾಮಿ ಅಕ್ಲೇನ ಜೋಕ್ಲೆನೊಟ್ಟಿಗೆ ಮೋಕುಲುಲ ಒಟ್ಟಿಗೆ ಉಲ್ಲೇರ್. ಅಜ್ಜಿ ಆಪ್ಪೆ-ಅಮ್ಮೆ ದಾಂತಿ ಜೋಕುಲು ಇಂದ್ ಮೋಕ್ಲೆನ್ ಬಾರಿ ಮೋಕೆಡ್ ತೂವೊಂದು ಇತ್ತೇರ್. ಒನ್ತೆ ಸಮಯ ಕರಿನಗ ಅಜ್ಜಿಲ ತೀರ್ ಪೊಯೆರ್. ಮಾಮ ಮಾಮಿ ಇತುದುಲ ಕಾವ್ಯ ಶ್ರಾವ್ಯ ಅನಾಥೆ ರಾಯೆರ್. ಮಾಮಿ ಏಪಲ ತನ್ನ ಜೋಕ್ಲೆಗ್ ಮೋಕೆಡ್ ತೂವೊಂದು ಇತ್ತೆರ್. ಮೋಕ್ಲೆಗ್ ಏಪಲ ನೆರೊಂದು, ಇಲ್ಲದ ಕೆಲಸೊನು ಪೂರ ಮೋಕ್ಲೆಡನೇ ಮಲ್ಪವೊಂದು ಇತ್ತೆರ್. ಮಾಮಡ ಪಾತೇರಿಯೆರೆಲ ಬುಡೊಂದು ಇತುಜೆರ್. ಜೋಕುಲು ಪಾಪ ಅಮ್ಮ- ಪಪ್ಪನ್ ಎನ್ನಿಯೊಂದು ಮನಸ್ ಡೇ ಬುಲಿತೊಂದು ಇತ್ತೆರ್. ಬಯ್ಯ ಅನಗ ಪಪ್ಪ ಕೆಲಸೊಡ್ದು ಬನ್ನಗ ತಿನಿಯೆರೆ ಕನತ್ ಇರ್ವೆರೆನ್ಲ ಕುಲ್ಲದ್ ತಿನ್ಪಾದ್ ಶಾಲೆದ ವಿಷಯ ಕೇನೊಂದು ಇತ್ತೇರ್. ಅಮ್ಮ ಮೋಕ್ಲೆಗ್ ಇಷ್ಟದ ಅಡುಗೆ ಮಲ್ತ್ ಉನ್ಪಾದ್ ಶಾಲೆದ ಹೊಂವರ್ಕ್ ಮಲ್ಪವೊಂದು ಇತ್ತೆರ್. ರಾತ್ರೆಡ್ ಅಮ್ಮ ಪಪ್ಪನ ನಡುಟು ಜೆತ್ತೊಂದು ಇತ್ತಿನ ಆ ಪೊರ್ಲ ನೆನೆಪು ಇತ್ತೆ ಖಾಲಿ ನೆನಪು ಮಾತ್ರ.

ನೀತಿ: ಅಪ್ಪೆ ಅಮ್ಮ ನ ಮಹತ್ವ ಅಕುಲು ನಮ್ಮೊಟ್ಟಿಗೆ ಇಜ್ಜಂದಿಪ್ಪನಗನೇ ಅರ್ಥ ಅಪಿನಿ.ಅಂಚಾದ್ ಅಪ್ಪೆ ಅಮ್ಮೆ ಜೀವೊಡು ಉಪ್ಪು ನಗ ಅಕ್ಲೇನ್ ಪ್ರೀತಿಡ್ ತೂಲೆ

Photo: Internet