ವಾ ಜನ್ಮೊದ ಪುಣ್ಯನ ಎನ್ನ ಈ ಜನ್ಮೊಡು ಈ ಎನ್ನ ಅಪ್ಪೆ
9 ತಿಂಗೊಲುಡು ಬಂಜಿಡ್ ದೀದ್ ಜನ್ಮ ಕೊರಿನಾಲ್ ಎನ್ನ ಅಪ್ಪೆ

ತನ್ನ ಕಣ್ಣ ನೀರ್‌ದ ನಡುಟುಲಾ ಜೋಕುಲೆನ ಕಣ್ಣನೀರ್ ಒಚ್ಚಿದ್ ತೆಲಿಪಾವುನಾಲ್ ಈ
ತನ್ನ ಆಸೆಲೆನ್ ಪೂರಾ ಬರಿಕ್ ದೀದ್ ಜೋಕುಲೆಗಾದ್ ಬದುಕುನಾಲ್ ಈ

ಅಮ್ಮೆರೆನ ಕೋಪನ್ ತಪ್ಪಾವೆರೆ ಎದುರು ಬತ್‌ದ್ ಉಂತುನಾಲ್ ಅಪ್ಪೆ
ಪ್ರೀತಿಡ್ ಬಾಯಿಗ್ ನುಪ್ಪು, ಸರಿತ್ತ ಸಾದಿ ತೊಜಿಪಾವುನಾಲ್ ಅಪ್ಪೆ

ಬಾಲೆದ ಬಂಜಿ ದಿಂಜಾವುನಾಲ್ ಈ ನಿನ್ನ ಬಡವುನು ಕಟ್ಟೊಂದು,
ನೀರ್ ಪರ್ದ್ ಜೆಪ್ಪುನಾಲ್ ಈ ಇಲ್ಲದ ಬೇಲೆನ್ ಮುಗಿತೊಂದು,

ನಾಡ್ಂಡ ತಿಕ್ಕಂದಿನ ಪ್ರೀತಿ, ಕಳೆಯೊಂಡ ಪಿರ ಬರಂದಿನ ಜೀವ
ಊರಿಡಿ ಮಚ್ಚರ ಮೋಸ ಇತ್ತ್ಂಡಲಾ ಬಾಲೆದ ಮನಸ್‌ಗ್ ಮೋಕೆ ಬಿತ್ತುನ ಜೀವ

ಜೋಕುಲೆಗ್ ದೆತ್ ಕೊರ್ದು ಅಲೆಗಾದ್ ದಾಲಾ ದೆತೊನಂದಿನಾಲ್
ಜೋಕುಲೆ ಬೆಸರ್‌ಗ್ ಬೆರಿಸಾಯಾದ್ ಉಂತುದು ಅಕ್ಲೆನ ತೆಲಿಕೆ ಬಯಕುನಾಲ್

ಸಾರ ಪದೊಕುಲು ಯಾವಂದ್ ಅಪ್ಪೆ ನಿನ್ನ ಬಗ್ಗೆ ಬರೆಯರೆ
ಸಾರ ಜನ್ಮ ಯಾವಂದ್ ನಿನ್ನ ಋಣನ್ ತೀರಾಯರೆ